ما هو ROI وازاى نحسبه تعريف Return On Investment

الـ ROI بيتم استخدامه في قياس مدى نجاح الخطة التسويقية او خطة البيزنس او المنتجات بشكل عام وتحديد حجم صافي الارباح، علشان تعرف بالظبط انت مكانك فين وايه اخطاءك.

طريقة حساب ال Return On Investment

خلينا نقول مثلا انك اشتريت حاجة بـ 200 جنية، وجيت بعد اسبوع بعتها بـ 250 جنية..
الـ 200 جنيه اللي انت استثمرتهم كسبوك 50 جنيه يعني المكسب بنسبة 25% .. فبالتالي الـ ROI هو 25%
بس الحقيقة ان الموضوع مش بالبساطة دي اطلاقا، لأننا لما بنتكلم على منتج او حملة تسويقية بيدخل فيها عوامل كتير علشان حساب الدخل والارباح، زي المنتج ده اتكلف اد ايه علشان يطلع لشكله النهائي وهيتباع بكام وعوامل الوقت والانتاج ..
علشان كده احنا عندنا حسبة ظريفة كده ممكن تحسب بيه الـ ROI بتاعك من ساعة مابدأت البيزنس او من ساعة مابدأت تصرف لحد دلوقتي
هات كل الدخل اللي انت دخلته ومعاك دلوقتي اللي هما مثلا الـ 250 ناقص (طرح) التكاليف بتاعتك اللي هما 200، الناتج اللي هيطلع اللي هو 50 اقسمه على التكاليف اللي هي 200
المعادلة هتبقى: 250 - 200 = 50
50/200 = 0.25
يبقى الـ ROI بتاعك 25% زي ماقولنا بالظبط، وطبعا كل معدل الـ ROI مازاد كل بقيت تدخل أكتر.
لما تعمل خطة استراتيجية لشركتك لازم تكون عندك تخيل بأرقام محددة عنه، تحسبه فى أى Project صغير بتشتغل عليه عشان تعرف مدى قوته وفعاليته.
لما تكون بتدور على مستثمر مثلا لمشروعك لازم تحسب الـROI فى فترات مختلفة
عشان تقدر تقنعه ان النسبة بتزيد وانه بإستثماره معاك بياخد الطريق الصح.